ဂုဏ်ပေါင်းပြည့်ဝ နိဗ္ဗာန

ဗုဒ္ဓဘာသာဝင်တိုင်းသည် နိဗ္ဗာန်ရရ၊ရောက်ရပါလို၏ဟု ကုသိုလ်ကောင်းမှုပြုလုပ်ပြီးတိုင်း ဆုတောင်ကြ၏ ဘာဝနာတရားများ ပွားများအားထုတ်ကြ၏။ ဘုရာအစရှိသောအရိယာအပေါင်းသူတော်တို့သည် မြင့်မြတ်လှစွာ ဂုဏ်ပေါင်းပြည့်ဝ ငြိမ်းအေးလှသည့် နိဗ္ဗာန်ကို ရရှိကြ ရောက်ရှိကြ မျက်မှောက်ပြုကြပါကုန်၏။ တစ်ချိုဗုဒ္ဓဘာသာဝင် သူတော်စဉ်တို့က နိဗ္ဗာန်မှာ ဘာမှ မရှိဘူး။ ပျင်းစရာ၊ ငြီးငွေ့စရာကြီး ဒါကြောင့်ဒို့ကတော့မရောက်ချင်၊ မရောက်ချင်ဘူးလို့ဆိုကြ၏။ နိဗ္ဗာန်မှာ သူတို့ပြောကြသည့် ပျင်းရိ ၊ငြီးငွေ့၊ နှောက်ကျိ၊ ဟုတ်သလားမဟုတ်ဘူးလားစသည့်သံသယစိတ်တို့ မရှိ၊ အောက်ပါဂုဏ်တို့နှင့်ပြည့်စုံလို့ ငြိမ်းအေးတယ်ဆိုရင် ရောက်ခြင်ကြမှာပါ။


၁။ မာန်မယစ်ရာ နိဗ္ဗာန်။ (မဒနိမ္မဒနော)

၂။ တဏှာမွတ်သိပ်ခြင်းကို ပယ်ဖြောက်ရာ နိဗ္ဗာန်။ (ပိပါသ၀ိနယော)

၃။ ကာမဂုဏ် အာလယကို အကြွင်းမဲ့ဖဲခွာရာ နိဗ္ဗာန်။ (အာလယသမုဂ္ဃါဋော)

၎။ ကမ္မဝဋ်၊ ဝိပါက၀ဋ်၊ ကိလေသဝဋ်ဆိုတဲ့ ဝဋ်သုံးပါးမှ ကင်းပြတ်ရာ နိဗ္ဗာန်။ (၀ဋ္ဋုပစ္ဆေဒေါ)

၅။ တဏှာကုန်ငြိမ်းရာ နိဗ္ဗာန်။ (တဏှာက္ခယော)

၆။ ရာဂကင်းလွတ်ရာ နိဗ္ဗာန်။ (၀ိရာဂေါ)

၇။ တဏှာ၏ချုပ်ရာ နိဗ္ဗာန်။ (နိရောဓော)

၈။ အမြဲခိုင်ခန့်ရာ နိဗ္ဗာန်။ (ဓုဝံ)

၉။ အိုခြင်း(နာခြင်း) မရှိရာ နိဗ္ဗာန်။ (အဇရံ)

၁၀။ သံသရာနယ်ချဲ့တတ်သော တရားမရှိသော နိဗ္ဗာန်။ (နိပ္ပပဉ္စံ)

၁၁။ မဖောက်မပြန် မှန်ကန်သော နိဗ္ဗာန်။ (သစ္စံ)

၁၂။ သံသရာ၏ ဟိုမှာဘက်ကမ်းဖြစ်သော နိဗ္ဗာန်။ (ပါရံ)

၁၃။ ဉာဏ်နုံ့သူတို့ အလွန်မြင်နိုင်ခဲသော နိဗ္ဗာန်။ (သုဒုဒ္ဒသံ)

၁၄။ ကိလေသာတို့ကင်းဝေးပြီး အေးချမ်းသော နိဗ္ဗာန်။ (သိဝံ)

၁၅။ သေခြင်းကင်းရာ နိဗ္ဗာန်။ (အမတံ)

၁၆။ ငြိမ်းချမ်း၊ ဘေးကင်းရာ နိဗ္ဗာန်။ (ခေမံ)

၁၇။ သင်္ခါရကင်းဖွယ် အံ့ဖွယ်သူရဲ မဖြစ်ဖူးသော နိဗ္ဗာန်။ (အဗ္ဘုတံ)

၁၈။ ဘေးမရှိသော နှောက်ယှက်ပုပန်ခြင်းကင်းရာ နိဗ္ဗာန်။ (အနီတိကံ)

၁၉။ ၀ဋ်ဆင်းရဲမှ စောင့်ရှောက်ရာ နိဗ္ဗာန်။ (တာဏံ)

၂၀။ ဘေးရန်လွတ်ရှောင်း ပုန်းအောင်းရာ နိဗ္ဗာန်။ (လေဏံ)

၂၁။ သြဃမလွှမ်းသော ကျွန်းတည်းဟူသော နိဗ္ဗာန်။ (ဒီပံ)

၂၂။ ကိလေသာမှ စင်စစ် စင်ကြယ်သော နိဗ္ဗာန်။ (၀ိသုဒ္ဓိ)

၂၃။ သူတော်ကောင်းတို့ တောင့်တအပ်သော နိဗ္ဗာန်။ (၀ရံ)

၂၄။ သိမ်မွေ့နူးညံ့သော နိဗ္ဗာန်။ (နိပုဏံ)

၂၅။ အကြောင်းတရား မပြုပြင်အပ်သော နိဗ္ဗာန်။ (အသင်္ခတ)

၂၆။ ကိလေသာမှ လွတ်သော နိဗ္ဗာန်။ (မောက္ခော)

၂၇။ အထူးသဖြင့် ချီးမွမ်းအပ်သော နိဗ္ဗာန်။ (သေဋ္ဌော)

၂၈။ အတုမရှိ အလွန်မြတ်သော နိဗ္ဗာန်။ (အနုတ္တရော)

၂၉။ လောကသုံးပါး၏ ကုန်ဆုံးရာ နိဗ္ဗာန်။ (လောကဿန္တော)
အထက်ပါဂုဏ်ပုဒ်များနှင့် ပြည့်စုံသောကြောင့် နိဗ္ဗာန် လို့ခေါ်ပါတယ်။

ဤနိဗ္ဗာန်၏ ဂုဏ်ကျေးဇူးတို့ကို သိအောင်ပြု၍ အဖန်ဖန် နှလုံးသွင်းရာ၏၊၊ဆင်ခြင်အောက်မေ့ရာ၏၊
ဤသို့ နိဗ္ဗာန်၏ဂုဏ်တို့ကို အသီးသီး ဆင်ခြင် အောက်မေ့သည်ရှိသော် အလွန် စိတ်ကြည်လင်၏၊
ဉာဏ်ကြီးထွား၏၊ စိတ်အေးချမ်းတည်ကြည်၏၊ ဥပစာရ ဈာန်ကိုရ၏။ နိဗ္ဗာန်ကို ရချင်၊ ရောက်ချင်လိုသောဆန္ဒဖြစ်၏။ ၀ိပဿနာတရား ပွားများအားထုတ်သော် နိဗ္ဗာန်ကိုရနိုင် ရောက်နိုင် မျက်မှောက်ပြုနိူင်ပါ၏။


လယ်တီဆရာတော် ကမ္မဋ္ဌာန်းကျမ်း။ စာ-၁၉၃။